މަޝްހޫރު އިނގިރޭސި ލަވަކިޔުންތެރިޔާ ބްރިޓްނީ ސްޕިއާސްއާއި އޭނާގެ ދެ ދަރިން އެންމެ ފަހުން ސުލްހަވެފައިވާ ކަމަށް ހަބަރުތައް ބުނެފި އެވެ.

އެގޮތުން ބްރިޓްނީއާއި އޭނާގެ 18 އަހަރާއި 17 އަހަރުގެ ދަރިފުޅު ވަރަށް ފަހުން އެކުގައި ނަގާފައިވާ ފޮޓޯތަކެއް މިހާރު ދަނީ އިންޓަނެޓްގައި ދައުރުވަމުންނެވެ.

ހަބަރުތައް ބުނާ ގޮތުގައި ބްރިޓްނީ އޭނާގެ ދަރިންނާ ވާހަކަ ދައްކަމުން އަންނަތާ މިހާރު ދުވަސްތަކެއް ވެފައިވާއިރު އޭނާއާއި ދަރިން ވަރަށް ގިނައިން މިހާރު ބައްދަލުކުރެ އެވެ.

ބްރިޓްނީއާއި އޭނާގެ ދަރިންނާ ދެމެދު އޮތް ގުޅުން ހީނަރުވެގެން ދިޔައީ 2005 ވަނަ އަހަރު އޭނާގެ ކައިވެނި ރޫޅި އޭނާގެ ނަފްސާނީ ހާލަތު ތަން ނުދޭތީ ދަރިންގެ ގާނޫނީ ބަލަދުވެރިކަން ބައްޕައާ ހަވާލުކުރި ހިސާބުންނެވެ.

އެއަށްފަހު ބުރިޓްނީގެ އަމަލުތައް ހުރި ގޮތުންނާއި ބްރިޓްނީއާއި އޭނާގެ ބައްޕައާ ދެމެދު ހިނގި ކޯޓުގެ ޝަރީއަތް ވެސް މީޑިއާގެ ސަމާލުކަމަށް އައިސްފައިވެ އެވެ.