މިއަހަރުގެ ހައްޖު މަހުގެ ހަނދު ސައުދީ އަރަބިއްޔާއަށް ފެނުމުން މާދަމާއަކީ ހައްޖު މަހުގެ ފުރަތަމަ ދުވަސް ކަމަށް ކަނޑައަޅައިފި އެވެ.

ސައުދީއަށް ހަނދު ފެނިފައިވާކަމަށް އެ ގައުމުގެ ކަމާބެހޭ ފަރާތްތަކުން ވަނީ އިއުލާންކޮށްފަ އެވެ.

ދިވެހި ކަލަންޑަރުގައިވާ ގޮޮތުން ނަމަ، ހައްޖު ދުވަހުގެ ފުރަތަމަ ދުވަހަށް ވާނީ މިމަހުގެ 16 ވާ އާދިއްތަ ދުވަހެވެ. ނަމަވެސް މިހާރު ހައްޖު ދުވަސް ވާނީ 15 ވާ ހޮނިހިރު ދުވަހަށެވެ.

މީގެއިތުރުން މީގެ ކުރިން އަޟްހާ އީދު ދުވަހަކީ 17 ވާ ހޯމަ ދުވަސް ކަމަށް ނިންމި ނަމަވެސް އީދު ދުވަހަކީ މި މަހުގެ 16 ވާ އާދިއްތަ ދުވަހެވެ.

ރާއްޖެއިން ހައްޖަށް ދިޔުމަށް މި އަހަރު ވެސް ވަނީ 1000 ވޯޓާ ލިބިފަ އެވެ. ރާއްޖެއިން ހައްޖަށްދާ އެންމެން މިހާރު ވަނީ ސައުދިއަރަބިއާއަށް ގޮސްފަ އެވެ.