މިދިޔަ އަހަރު ގެއްލިގެން ހޯދަން އިއުލާންކުރި ކުއްޖާގެ އަނެއްކާވެސް ގެއްލިގެން ހޯދަން އިއުލާންކޮށްފި އެވެ.

ގެއްލިގެން ހޯދަމުންދަނީ ތ. މަޑިފުށި، ނައިޓްރޯސް އައިޝަތު ޒޯޔާ ފިކުރީ (14އ) އެވެ. އޭނާ ހޯދުމުގައި ރައްޔިތުންގެ އެހީތެރިކަމަށް ފުލުހުން ވަނީ އެދިފަ އެވެ.

އާއިޝަތު ޒޯޔާ ފިކުރީ ހޯދަމުން ދަނީ އާއިލާއަށް ހަބަރެއްނުވެ ގެއްލިފައިވާ ކަމަށް ރިޕޯޓު ކޮށްފައިވާތީ ކަމަށް ފުލުހުން ބުންޏެވެ.

އެ ކުއްޖާ އެންމެ ފަހުން ފެނިފައިވަނީ އަންގާރަ ދުވަހު އެ ކުއްޖާ މިހާރު ދިރިއުޅޭ ގެ ވ. ނާލިސްއިން ކަމަށް ފުލުހުން ބުންޏެވެ.

އެހެންކަމުން އައިޝަތު ޒޯޔާ ފިކުރީއާ ބެހޭގޮތުން އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް، ވިލިމާލެ ޕޮލިސް ސްޓޭޝަން 9790083 އަށް ގުޅައި އެ މައުލޫމާތު ހިއްސާ ކޮށްދިނުމަށް ފުލުހުން ވަނީ އެދިފަ އެވެ.

ޒޯޔާ ގެއްލިގެން ހޯދުމަށް މިދިޔަ އަހަރުގެ މާޗު މަހުގެ 18 ގައި ވެސް ރައްޔިތުންގެ އެހީތެރިކަމަށް ފުލުހުން އެދުނެވެ. އެފަހަރު ހަމަ އެ ދުވަހު ހުޅުމާލޭގެ އެޕާޓްމަންޓެއްގެ ތެރެއިން ޒޯޔާ ވަނީ ފެނިފަ އެވެ.