ޔޫއޭއީއަށް ނިސްބަތްވާ މަޝްހޫރު ސޯޝަލް މީޑިއާ އިންފްލުއެންސަރުން ކަމަށްވާ ޚާލިދު އަލް އަމޭރީ އާއި އޭނާގެ އަންހެނުން ސަލާމާ ޗުއްޓީ ހޭދަކުރަން ރާއްޖެ އަތުވެއްޖެ އެވެ.

މި ދެމަފިރިން ޗުއްޓީ ހޭދަކުރަމުން ދަނީ ތާޖް އެގްޒޯޓިކާ ރިސޯޓް އެންޑް ސްޕާގަ އެވެ.

ޚާލިދު އަލް އަމޭރީ އަކީ އަރަބި ދުނިޔޭގައި އެންމެ މަޝްހޫރު ކޮންޓެންޓް ކްރިއޭޓާ އެވެ. އޭނާ އާއި އަންހެނުން ސަލާމާ ގުޅިގެން ބިނާ ކޮށްފައިވާ ސޯޝަލް މީޑިއާ "އެމްޕަޔާ" ގައި 3.5 މިލިއަނަށްވުރެ ގިނަ ފޮލޯވަރުން އެބަތިއްބެވެ.

ޚާލިދު މަޝްހޫރުވެފައި ވަނީ އޭނާ ސޯޝަލް މީޑިއާ އަށް ދޫކުރަމުން ދާ ހެއްވާ މަޖާ ވީޑިއޯތަކުގެ ސަބަބުންނެވެ. އަދި އަންހެނުން ސަލާމާއާއި އެކީ މި ވީޑިއޯތައް އެއް ކޮލިޓީއެއްގައި ހިފެހެއްޓުމަކީ ވެސް މަގޫބޫލުކަން ދެގޮތެއް ނުވެ ދެމިއޮތް ސަބަބެކެވެ.