ކޮވިޑް 19 އަށް ޕޮޒިޓިވްވި މީހުންގެ ތެރެއިން ހޮސްޕިޓަލުގައި އެޑްމިޓްކޮށްގެން ފަރުވާދޭ މީހުންގެ އަދަދު 116 އަށް ތިރިވެއްޖެ އެވެ.

މި ބައްޔަށް މިއަދު މުޅި ރާއްޖެއިން ޕޮޒިޓިވްވެފައި ވަނީ 62 މީހުންނެވެ. މީގެ ތެރެއިން މި ބައްޔަށް މާލެ ސަރަހައްދުން މިއަދު ޕޮޒިޓިވްވެފައި ވަނީ 51 މީހެކެވެ. މިއަދު މުޅި ރާއްޖެއިން ޕޮޒިޓިވްވި 62 މީހުންގެ ތެރޭގައި 44 ދިވެހިން ހިމެނެ އެވެ.

އެޗްޕީއޭ އިން މިރޭ އާއްމުކުރި ތަފާސްހިސާބުތައް ދައްކާ ގޮތުން މިހާތަނަށް ރާއްޖޭން މި ބައްޔަށް ޕޮޒިޓިވްވި މީހުންގެ އަދަދު ވަނީ 9،052 އަށް އަރައިފަ އެވެ. އަދި ބަލިން ރަނގަޅުވި މީހުންގެ އަދަދު ވަނީ 7،055 އަށް އިތުރުވެފަ އެވެ. އެހެންވެ އެކްޓިވް ކޭސްތަކުގެ އަދަދު މިހާރު ވަނީ 1،960 އަށް ތިރިވެފަ އެވެ.

އެޗްޕީއޭގެ ތަފާސްހިސާބުތައް ދައްކާ ގޮތުން މާލެ ފިޔަވައި 28 ރަށެއްގައި 90 މީހުން ޕޮޒިޓިވްވެފައި އެބަތިއްބެވެ. މީގެ އިތުރުން 26 ރިސޯޓެއްގައި 13 ޓޫރިސްޓުންނާއި 39 މުވައްޒަފުން ވެސް ޕޮޒިޓިވްވެފައިވެ އެވެ.