ހުޅުމާލޭ ފޭސް ދޭކުން ގެއްލިގެން ހޯދަމުން ދިޔަ އުމުުރުން 50 އަހަރުގެ ދިވެހި ފިރިހެން މީހާ މާލެއިން ފެނިއްޖެ އެވެ.

ފުލުހުން ގެއްލިގެން ހޯދީ ހއ. ދިއްދޫ، ގުލްފާމްގެ، 50 އަހަރުގެ އިސްމާއީލް މާހިރު އެވެ.

މާހިރު ހޯދުމުގެ މަސައްކަތް ފުލުހުން ފެށީ އޭނާގެ ހަބަރެއް އާއިލާއަށް ނުވެ ގެއްލިފައިވާ ކަމަށް ރޭ ދަންވަރު 1:08 ހާއިރު ރިޕޯޓުކުރުމާ ގުޅިގެންނެވެ.

ފުލުހުން ބުނީ މާހިރު މިއަދު ހަވީރު 4:40 ހާއިރު މާލެއިން ފެނިފައިވާ ކަމަށާއި އޭނާގެ ހާލު ރަނގަޅު ކަމަށެވެ.