ކ. މާފުށި ކައިރީގައި އޮތް ސަފާރީއެއްގައި މިއަދު މެންދުރު ހިނގި އަލިފާނުގެ ހާދިސާއެއްގައި، މީހަކު ފިހިއްޖެ އެވެ.

އެމްއެންޑީއެފުން ބުނީ މާފުށީ ކައިރީގައި ބަނދަރުކޮށްފައި އޮތް "އޯޝަން ޑިވައިން" ސާފާރީގައި ހިނގި ހާދިސާގެ މައުލޫމާތު ލިބިފައި ވަނީ މެންދުރު 1:24 ގައި ކަމަށެވެ.

އެ ހާދިސާގައި ފިހިފައި ވަނީ ސަފާރީގެ ވެރިޔާ ކަމަށެވެ. އެއީ ބިދޭސީ އެވެ. އަދި ފިހުނު މީހާ ވަނީ ލޯންޗެއްގައި މާފުއްޓަށް ގެންގޮސްފައި ކަމަށް އެމްއެންޑީއެފް އިން ބުންޏެވެ.

މާފުށީ ބޭރުގައި އޮތްވައި ރޯވި "އޯޝަން ޑިވައިން" ސަފާރީ. ފޮޓޯ: އެމްއެންޑީއެފް

އެމްއެންޑީއެފް އިން ބުނީ 13 ގެސްޓުންނާއި ފަސް ފަޅުވެރިން ތިބި ސަފާރީގައި ރޯވެފައި ވަނީ އިންޖީނު ރޫމުގައި ކަމަށެވެ. މި ހާދިސާގެ އިތުރު ތަފުސީލެއް އަދި ނުލިބެ އެވެ.