ރައްޔިތުންގެ މަޖިލީހުގެ އަމީންއާންމު މަގާމުން ވަކިކުރަނެ ކަމުގެ އިންޒާރު އައްޑޫ މަރަދޫ ދާއިރާގެ މެމްބަރު އިބްރާހީމް ޝަރީފް ވިދެއްވައިފި އެވެ.

ރައްޔިތުންގެ މަޖިލީހުގައި "މަރުތަޅު" އެޅުވި މައްސަލާގައި ރައްޔިތުންގެ މަޖިލިސް އޮތީ ހުއްޓުމަކަށ އައިސްފަ އެވެ. ރައްޔިތުންގެ މަޖިލީހަށް ހުށަހަޅާފައިވާ އިތުބާރުނެތް ކަމުގެ މައްސަލަތައް ވެސް ވަނީ ހުއްޓުމަކަށް އައިސްފަ އެވެ. އަދި އެއްވެސް ކޮމެޓީއެއްގެ މަސައްކަތްތަކެއް. ވެސް ކުރިއަކަށް ނުދެ އެވެ. މަޖިލިސް އެއްކޮށް ވަނީ ހުއްޓުމަކަށް އައިސްފަ އެވެ.

މަޖިލީހުގެ ކޮމެޓީތައް ކުރިއަށް ގެންގޮސްދިނުމަށް އެމްޑީޕީ އިން ވަނީ މަޖިލީހުގެ އަމީންއާންމަށް ސިޓީއެއް ފޮނުވާފަ އެވެ.

މަޖިލީހުގެ ކޮމެޓީތަކައި ޖަލްސާތައް ކުރިއަށް ނުގެންދާތީ އަމީންއާއްމުއަށް ވެސް އެމްޑީޕީގެ ތުހުމަތުތައް އެބައޮތެވެ.

ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާޙީމް ޝަރީފް ވިދާޅުވީ ރައްޔިތުންގެ މަޖިލީހުގެ ގަވާއިދަށް ހުރުމަތްތެރިކޮށް ނުހިތާނަމަ އަމީން އާންމު ވެސް މަގާމުން ދުރު ކުރުން ނޫން ޗޮއިސްއެއް ނޯންނާނެ ކަމަށެވެ.

އެމްޑީޕީ ތެރޭގައި އުފެދުނު ހިޔާލުތަފާތުވުންތަކުގެ ސަބަބުން އެމްޑީޕީގެ 13 މެމްބަރަކު ވަނީ ޕާޓީން ވަކިވެފަ އެވެ. އެހެންވެ މަޖިލީހުގެ ކޮމެޓީތައް ވަނީ އަލުން އެކުލަވާލަން ޖެހިފަ އެވެ.

ނަމަވެސް އެމްޑީޕީން ވަކިވި ދަ ޑިމޮކްރެޓްސްގެ މެމްބަރުން ބުނަމުން ދަނީ އަލުން ކޮމެޓީތައް އެކުލަވާ ނުލައި ކޮމެޓީތައް ނުބޭއްވޭނެ ކަމަށެވެ. އެމްޑީޕީގެ މެމްބަރުންގެ ވިސްނުން މިފަހަރު އެއާ ހިލާފެވެ. އެމްޑީޕީގެ މެމްބަރުން މިހާރު ބުނަމުން ދަނީ ކޮމެޓީތައް އެކުލަވާލެވެންދެން ކޮމެޓީތަކުގެ މަސައްކަތް ކުރިއަށް ގެންދެވޭނެ ކަމަށެވެ.

އެހެން ނަމަވެސް މީގެ ކުރިން އެމްޑީޕީން ވަކިވި މެމްބަރު ހަސަން ލަތީފް މަޖިލީހުގެ ކޮމެޓީގެ ރިޔާސަތުގައި އިންނަވައިގެން ކޮމެޓީ ކުރިއަށް ގެންދަވާތީ މީގެ ކުރިން އެކޮމެޓީ ދޫކުރައްވާ އެމްޑީޕީގެ މެމްބަރުން ނުކުމެވަޑައިގަތެވެ.