ހެލްތު ޕްރޮޓެކްޝަން އެޖެންސީން އޭޑީކޭ ހޮސްޕިޓަލުގެ ކެންޓީނު ބަންދުކޮށްފި އެވެ.

އޭޑީކޭގެ ކެންޓީނުގެ ބޭރުގައި އެޗްޕީއޭ އިން ތަތްކޮށްފައިވާ ނޯޓިސްގައި ބުނެފައި ވަނީ އެތަން މިއަދުން ފެށިގެން ބަންދުކޮށްފައިވާ ކަމަށެވެ.

އެތަން ބަންދުކުރީ ހިދުމަތް ލިބިގަންނަ މީހުން، ކާބޯތަކެތީގެ ޒަރިއްޔާ އިން ކުރިމަތިވެދާނެ ސިއްހީ ނުރައްކާތަކުން ރައްކާތެރިކުރުމަށް އަމަލުކުރާ ގަވާއިދާ ހިލާފުވެގެން ކަމަށް ވެސް އެ ނޯޓިސްގައިވެ އެވެ.

ގަވާއިދާ ޚިލާފަށް އޭޑީކޭގެ ކެންޓީނުން ކުރީ ކޮން ކަމެއް ކަމެއް ނޭނެގެއެވެ.

ކޮވިޑާ ގުޅިގެން ސިއްހީ ގޮތުން އިތުރަށް ރައްކާތެރިކަމުގެ ފިޔަވަޅުތައް އަޅަންޖެހޭތީ ކުރިއަށްވުރެ ބޮޑު ސަމާލުކަމެއް ދީގެން އެޗްޕީއޭ އިން އަންނަނީ ކާބޯތަކެތީގެ ޚިދުމަތްދޭ ތަންތަން ޗެކްކުރަމުންނެވެ.