ބޮލީވުޑްގެ މަޝްހޫރު އެކްޓަރު ޝާހްރުކް ޚާންގެ އަންހެނުން އަދި އިންޓިރިއާ ޑިޒައިނަރު ގޯރީ ޚާން ޝޯއެއް ހުށައަޅައިދިނުމަށް ތައްޔާރުވެއްޖެ އެވެ.

މިއަދުން ފެށިގެން ގެނެސްދިނުމަށް ހަމަޖެހިފައިވާ "ޑްރީމް ހޯމް ވިތު ގޯރީ ޚާން" ޝީ ގެނެސްދޭނީ މިރްޗީ ޕްލަސް އެޕާއި ޔޫޓިއުބް ޗެނަލުންނެވެ.

މިއީ އިންޓިރިއާ ޑިޒައިންނާ ގުޅޭ ގޮތުން ގެނެސްދޭ ޝޯއަކަށްވާއިރު މިޝޯގައި އިންޓިރިއާ ޑިޒައިންނާ ބެހޭ ގޮތުން ގިނަ ވާހަކަތަކެއް ގެނެސްދޭނެ އެވެ. އަދި އޭނަގެ ޝޯގައި މަޝްހޫރު ސެލެބްރިޓީންތަކެއް ވެސް ބައިވެރިވާނެ އެވެ.

އޭގެ ތެރޭގައި ކެޓްރީނާ ކައިފް، ޖެކްލިން ފެނަންޑޭޒް، މަލައިކާ އަރޯރާ، ޑައިރެކްޓަރު ކަބީރް ޚާން، ފެޝަން ޑިޒައިނަރު މަނީޝް މަލްއުތުރާ އަދި ޑައިރެކްޓަރު ފަރާ ޚާން ހިމެނެ އެވެ.

https://www.instagram.com/p/CieiTVmobMU/?utm_source=ig_embed&utm_campaign=embed_video_watch_again

ޝާހު އާއި ގޯރީ، އެމީހުންގެ ކުދިންނާ އެކު ދިރިއުޅެމުން އަންނަ "މަންނަތު" ވެސް އިންޓިރިއާ ޑިޒައިންވެސް ކޮށްފައިވަނީ ގޯރީ އެވެ. އަދި އޭނާ އަކީ ބޮލީވުޑްގެ ނަން މަޝްހޫރު ގިނަ ބައެއްގެ ގެ އިންޓީރިއާ ޑިޒައިންކޮށްދީފައިވާ ފަރާތްތެކެވެ.

ޑިޒައިނަރެއްގެ އިތުރުން ގޯރީ ވަނީ ބައެއް ހިންދީ ފިލްމުތައް ޕްރޮޑިއުސްވެސް ކޮށްފަ އެވެ. އޭގެ ތެރޭގައި މައި ހޫން ނާ، އޯމް ޝާންތީ އޯމް، ޑާލިންގްސް އަދި ޗެންނާއީ އެކްސްޕްރެސް ފަދަ ފިލްމުތައް ހިމެނެ އެވެ.