ހދ. ނައިވާދޫ ފެރީ ޓާމިނަލް އަޅަން ބޭނުންވާ ތަކެތި ހިފައިގެ ދިޔަ ލޭންޑިން ކްރާފްޓެއް އެ ރަށު ފަރަށް އަރައިފި އެވެ.

ރޭ ފަތިހު 5:30 ކަންހާއިރު ނައިވާދޫ ފަރު މައްޗަށް ބީހިފައި ވަނީ އެމްޓީސީސީގެ ލީމާ 1 ލޭންޑިން ކްރާފްޓެ ވެ.

އެރަށުގެ ކައުންސިލް މެންބަރު ފަރްޒާ އަލީ ވިދާޅުވީ ފަރަށް އެރި ލޭންޑިން ކްރާފްޓް މިއަދު ހެންދުނު 8 ޖެހިއިރު ފުންކޮށްފައިވާ ކަމަށާއި އެ ހާދިސާގައި އެއްވެސް އެއްޗަކަށް ގެއްލުމެއް ލިބިފައި ނުވާ ކަމަށެވެ.

އޭނާ ވިދާޅުވީ އެ ލޭންޑިން ކްރާފްޓް ފަރަށް އެރީ ނެރުގެ ވާތްފަޅިން ތޮށިގަނޑާ ކާރިން ނެރަށް ވަންނަން އަނބުރާލުމުން ކަމަށެވެ.