ބިލިއަނަރު އެލަން މަސްކްއާ ލޯބީގެ ގޮތުން ގުޅުނީ އޭނާގެ ފައިސާގެ ދަހިވަތި ކަމުގައި ނޫން ކަމަށް އޮސްޓްރޭލިއާގެ ފިލްމީ ތަރި ނަތާޝާ ބަސެޓް ބުނެފި އެވެ.

ނަތާޝާ ބުނީ އޭނާ އެލަން ދެކެ ލޯބިވިީ ބޭންކް ބެލެންސަށް ވުރެ އޭނާގެ ހުނަރާއި ގާބިލިއްޔަތުކަން ފެނިފައި ކަމަށެވެ.

"އަހަރެން ލޯބިވީ އޭނާގެ ބޭންކް ބެލެންސް ދެކެއެއް ނޫން. އޭނާގެ ސިކުނޑި ދެކެ،" ނަތާޝާ ބުންޏެވެ.

ނަތާޝާއާއި އެލަން މަސްކް ލޯބީގެ ގޮތުން ގުޅިފައިވަނީ ރަހުމަތްތެރިންގެ ގޮތުގައި ގިނަ ދުވަސްތަކެއް ހޭދަކުރުމަށްފަހު އެލަން އޭނާގެ އެންމެ ފަހުގެ ބައިވެރިޔާ، ލަވަކިޔުންތެރިޔާ ގްރިމްސްއާ ވަކިވި ފަހުންނެވެ.

މިދިޔަ ހަފްތާ ތެރޭގައި ލޮސް އެންޖަލަސްގައި އޮތް އެލަންގެ ގަލްފް ސްޓްރީމް ޖެޓުން އެކުގައި، މި ދެމީހުން ނިކުންނަނިކޮށް ނޫސްވެރިންނަށް ފެނިފައިވެ އެވެ.

ނަތާޝާގެ ގާތް ރަހްމަތްތެރިޔަކު ބުނީ އޭނާއަކީ ކާމިޔާބު މީހެއް ކަމަށާއި އޭނާއަށް ކޮންމެ ފިރިހެނަކު ވެސް ލިިބިދާނެ ކަމަށެވެ. ނަމަވެސް އެލަންއާ އޭނާ ގުޅުނީ އެ ދެމީހުން އެކުގައި ރަނގަޅު ވަގުތުތަކެއް ހޭދަ ކުރެވޭތީ ކަމަށް އޭނާ ބުންޏެވެ.

ނަތާޝާ ބަސެޓް

އެލަންއަކީ ފައިސާވެރިއެއް ނަމަވެސް ނަތާޝާ އަމިއްލައަށް މަސައްކަތްކޮށް ކާމިޔާބު ހޯދައި އަމިއްލަ ނަމެއް ހޯދުމަށް އެލަން އަބަދުވެސް ބާރު އަޅާ ކަމަށް އެފަރާތުން ބުނެ އެވެ.

މަޝްހޫރު ލަވަކިޔުންތެރިޔާ އެލްވިސް ޕްރެސްލީގެ ހަޔާތުގެ މައްޗަށް ބިނާކޮށް ހަދާ ބައޮޕިކްގައި އޭނާގެ ފުރަތަމަ ލޯބިވެރިޔާގެ ރޯލުން ފެނިގެންދާ ނަތާޝާ ވަނީ މީގެ ކުރިން ޓީވީ ފިލްމެއްގައި ލަވަކިޔުންތެރިޔާ ބްރިޓްނީ ސްޕިއާސްގެ ރޯލު ވެސް ކުޅެދީފަ އެވެ.

އެލަންއާއި ގްރިމްސްގެ ގުޅުމުން އެދެމީހުންނަށް ދަރިއަކު ލިބި އެއް އަހަރު ވެފައިވާއިރު އެލަންގެ ކުރީގެ އަންހެނުން، ލިޔުންތެރިޔާ ޖަސްޓިން މަސްކްއާއެކު އޭނާއަށް ފަސް ފިރިހެން ކުދިން ލިބިފައިވެ އެވެ.

ފޯބްސްއިން އެންމެ ފަހުން ނެރުނު ދުނިޔޭގެ މަހުޖަނުންގެ ލިސްޓުގެ އެއްވަނަ އެލަންއަށް ލިބިފައިވަނީ އޭނާގެ މިލްކިއްޔާތުގައިވާ 233.36 ބިލިއަން އެމެރިކާ ޑޮލަރާއެކުގަ އެވެ.