ދަތުރު ހަރަދު ބެޖެޓުކުރި ވަރަށްވުރެ އިތުރަށް ހޭދަކޮށްފި
އީމޫގެ ބޮޑު ހަނގުރާމަ: އޮސްޓްރޭލިޔާގެ އާދަޔާ ޚިލާފު ހަމަނުޖެހުން
"ރޮބޯމޭން ދަ މޫވީ" މިހާރު ވީޑިއޯކްލަބުން ބަލާލެވޭނެ!
ސަރުކާރުގެ ސިޔާސީ މަގާމުތަކުގެ އަދަދު އިންތިހާއަށް މަތިވެ، ދައުލަތުގެ ބަޖެޓުން ބޮޑު ހޭދައެއް ކުރަންޖެހި އާންމުގެ ފާޑުކިޔުން އަމާޒުވުމުން، ސިޔާސީ މަގާމުތައް މަދުކުރައްވަން ނިންމެވިކަމަށް ރަައީސް މުހައްމަދު މުއިއްޒު ނިމިދިޔަ ޖޫން މަހު އިއުލާންކުރެއްވި އެވެ.
އޭގެފަހުން އޮކްޓޫބަރު މަހު 200 އަށްވުރެ ގިނަ ސިޔާސީ މުވައްޒަފުން ވަކިކުރައްވަން ނިންމެވިކަމަށް ރައީސް އިއުލާން ކުރެއްވި އެވެ. ރާެއްޖޭގެ މާލީހާލަތު ދަށްވެ އަވަސް ފިޔަވަޅުތަކެއް އެޅުމަށް ދުނިޔޭގެ މާލީ ވުޒާރާތަކުން ލަފާދޭން ފެށުމުން ސިޔާސީ މަގާމު މަދުކުރެއްވުމަށް މަސައްކަތް ފެއްޓެވި ނަމަވެސް، ރައީސް ވިދާޅުވި އަދަދަށް މީހުން ވަކިކުރިކަން ޔަގީންވެފައި ނުވެ އެވެ.
މަހެއް ފަހުން ފާއިތުވި ދެތިން ދުވަސްތެރޭގައި އަނެއްކާވެސް ސިޔާސީ މަގާމުތައް ބައްސަވަން ވަނީ ފައްޓަވާފަ އެވެ.
އެގޮތުން މަޖިލިސް ތެރެއިން ގާނޫނުއަސާސީއަށް ރައީސް މުއިއްޒު ބޭނުންފުޅުވާ ބަދަލު ގެންނެވުމާއި ޕީއެންސީގެ އެތެރޭގެ އިންތިހާބާއި ގުޅިގެން ވަނީ އެތައް ބަޔަކަށް ސިޔާސީ މަގާމު ދެއްވާފަ އެވެ.
އެގޮތުން ޕީއެންސީގެ ބައެއް މަޖިލިސް މެންބަރުންގެ އާއިލީ އަދި ގާތް މީހުން މަގާމުތަކަށް ހަމަޖައްސާފައިވެ އެވެ. އޭގެ ތެރޭގައި ގދ ގައްދޫ ހެލްތު ސެންޓަރަށާއި ލ އިސްދޫ ހެލްތު ސެންޓަރަށް ވަނީ ޕޮލިޓިކަލް ޑިރެކްޓަރުން ހަމަޖައްސަވާފަ އެވެ. އަދި ގދ ތިނަދޫ ޑރ. އަބްދުލް ސަމަދު މެމޯރިއަލް ހޮސްޕިޓަލަށް އިއްޔެގެ ވަގުތެއްގައި ވަނީ ޑެޕިއުޓީ ސީއީއޯއެއްވެސް ހަމަޖައްސަވާފަ އެވެ.
މީގެ އިތުރުން އިއްޔެ ވަނީ ތިނަދޫ އުތުރު ދާއިރާގެ މެންބަރު ސައުދުﷲ ހިލްމީގެ ގާތް ބޭފުޅަކަށް ސީނިއާ ޕޮލިޓިކަލް ޑިރެކްޓަރުކަންވެސް ދެއްވާފަ އެވެ.
ފާހަގަކޮށްލެވޭ ގޮތުގައި މީ ސޯޝަލް މީޑިއާގައި އެކިގޮތްގޮތުން ފެންނަން ހުރި، މި ފަހުން ހަމަޖެއްސި މަގާމުތަކެެވެ. މީގެ އިތުރަށް ސަރުކާރުން ގެންގުޅޭ ސިއްރުކުރުމުގެ ސިޔާސަތުގެ ދަށުން މަގާމުތަކަށް މީހުން ހަމަޖައްސަވަނީ ސިއްރުންނެވެ. އެހެންކަމުން ސިޔާސީ މަގާމުތަކަށް މިފަހުން މީހުން ހަމަޖެއްސި އަދަދު ވަނީ ސާފުވާގޮތް ނުވެފަ އެވެ. އާއްމުންގެ ފާޑުކިޔުންތަކާއި ގުޅިގެން އިސްދޫ ހެލްތު ސެންޓަރުން ކުރި ޕޯސްޓު ވަނީ ޑިލީޓްކޮށްފައި އެވެ.
ސަރުކާރުގެ ހަރަދު ކުޑަކުރައްވާނެކަމަށް ރައީސް ވިދާޅުވިނަމަވެސް ފެންނަ މަންޒަރުތަކުން މިސްރާބުހުރީ އެގޮތަށް ނޫންކަން މިވަނީ ހާމަވެފަ އެވެ. އިދިކޮޅު އެމްޑީޕީން ތުހުމަތު ކުރާގޮތުގައި ސިޔާސީ މަގާމުތަކުގައި 2،000 އަށްވުރެ ގިނަ މީހުން މިހާރުވެސް އެބަ ތިއްބެވެ.
