އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އިން އަހަރެއްގެ ތެރޭ 1.9 މިލިއަން ލެބޯޓްރީ ޓެސްޓް ހަދާ ކަމަށް އެ ހޮސްޕިޓަލް ހިންގާ މާލޭ ގްރޫޕް އޮފް ހޮސްޕިޓަލްސް އިން ބުނެފި އެވެ.

ހޮސްޕިޓަލްތަކުގެ ތަފާސްހިސާބުތައް ހިއްސާ ކުރައްވަމުން މާލޭ ގްރޫޕް އޮފް ހޮސްޕިޓަލްސް ސީއީއޯ އިބްރާހިމް އަބްދުއްރައްޒާގު ހަލީމް ވިދާޅުވީ އައިޖީއެމްއެޗްގެ އިމަޖެންސީ އަދި ޖެނެރަލް ޕްރެކްޓިޝަނާ ޑިޕާޓްމަންޓުން އަހަރަކު 150،000 މީހުން ފަރުވާ ހޯދާ ކަމަށެވެ. މީގެ އިތުރުން އައިޖީއެމްއެޗްގައި އަހަރަކު 285،120 އެކްސްރޭ އަދި ސްކޭން ހަދާ ކަމަށާއި 25،500 ސާޖަރީ ހަދާ ކަމަށް ވެސް އޭނާ ވިދާޅުވި އެވެ. އަދި އަހަރެއް ތެރޭގައި 15،000 ހާހަށް ވުރެ ގިނަ ޕޭޝަންޓުން އެޑްމިޓް ކުރެވުނު ކަމަށެވެ.

ހުޅުމާލެ ހޮސްޕިޓަލް

މާލޭ ގްރޫޕް އޮފް ހޮސްޕިޓަލްސްގައި ހިމެނޭ ހުޅުމާލޭ ހޮސްޕިޓަލްގައި އަހަރަކު 483،185 ލެބޯޓްރީ ޓެސްޓް ހަދާއިރު 121،531 އެކްސްރޭ އަދި ސްކޭން ހަދަ އެވެ. ހުޅުމާލެ ހޮސްޕިޓަލުގައި އިމަޖެެންސީ އަދި ޖެނެރަލް ޕްރެކްޓިޝަންސްގައި އަހަރަކު ޖުމްލަ 238،978 މީހުން ފަރުވާ ހޯދަ އެވެ. މީގެ އިތުރުން އަހަރަކު 1،696 ސާޖަރީ ހަދަ އެވެ. އަދި ފާއިތުވި އަހަރުގެ ތެރޭގައި ތެރޭގައި ހުޅުމާލެ ހޮސްޕިޓަލުން އެޑްމިޓްކޮށްފައި ވަނީ 4480 ޕޭޝަންޓުންނެވެ.

ވިލިމާލެ ހޮސްޕިޓަލް

އަބްދުއްރައްޒާގު ހަލީމް ވިދާޅުވި ގޮތުގައި ވިލިމާލޭ ހޮސްޕިޓަލްގައި އިމަޖެންސީ އަދި ޖީޕީ ޑިޕާޓްމަންޓުން އަހަރަކު 2،307 މީހުން ފަރުވާ ހޯދަ އެވެ. އަދި އެ ހޮސްޕިޓަލްގައި އަހަރަކު 5,697 އެކްސްރޭ އަދި ސްކޭން ހަދަ އެވެ.