ޖޭޒް ކެފޭގެ ފުރާޅު މައްޗަށް ރޭ ވެއްޓުނު މީހަކަށް އައިޖީއެމްއެޗުގައި ފަރުވާ ދޭން ފަށައިފި އެވެ.

ފުލުހުން ބުނީ އޭނާ ފުރާޅުމައްޗަށް ވެއްޓުނީ ރޭ 11 ޖަހާ އެހާކަންހާއިރު ކަމަށެވެ. އެ މީހާ ނެގީ އެމްއެންޑީއެފްގެ އެހީތެރިކަމާ އެކުގައި ކަމަށްވެސް ފުލުހުން ބުންޏެވެ.

އުމުރުން 35 އަހަރުގެ ދިވެހި އެ ފިރިހެން މީހާއާ ހަވާލާދީ ފުލުހުން ބުނީ، އޭނާ ވެއްޓުނީ ޖެހިގެން ހުރި އިމާރާތަށް ހޮޅިދަނޑިއަކުން އަރަނިކޮށް ކަމަށެވެ. އެކަމަކު ރޭގަނޑު ދަންގަޑިއެއްގައި، ހޮޅިދަނޑިއަކުން ގެއަކަށް އަރަން އުޅުނު ސަބަބެއް ފުލުހުން ނުބުނެ އެވެ.

އަނިޔާވި މީހާ ފުރަތަމަ ގެންދިޔައީ އޭޑީކޭ ހޮސްޕިޓަލަށެވެ. ނަމަވެސް ފަހުން އޭނާ ވަނީ އައިޖީއެމްއެޗަށް ބަދަލުކޮށްފަ އެވެ.

މިކަމާއި ގުޅޭ އިތުރު ތަފްސީލު ފުލުހުން ހާމަކޮށްފައިނުވެ އެވެ.