ހުޅުމާލޭގައި ރޭ ހިނގި ނުރައްކާތެރި އެކްސިޑެންޓްގައި ނިޔާވީ 23 އަހަރުގެ ޒުވާނެއް ކަމަށް ފުލުހުން ބުނެފި އެވެ.

އެ އެކްސިޑެންޓް ހިނގާފައި ވަނީ ސެންޓްރަލް ޕާކު ކައިރީ ހުންނަ އުރީދޫ އިމާރާތް ކުރިމަތިންނެވެ. މި ހާދިސާގައި ނިޔާވި ޒުވާނާއަކީ ކަރެކްޝަނަލް ސާވިސްގެ އޮފިސަރެއްގެ ގޮތުގައި މަސައްކަތް ކުރާ ލ. އިސްދޫ، ހަސަން ސަމާހް އެވެ.

ސަމާހް އެ ސަރަހައްދަށް ދިޔައީ އެ ތަނުގައި ބޭއްވި މެރަތަން ބައިވެރިވުމަށެވެ. އެކަމަކު އޭނާ ނިޔާވީ މެރަތަން ނޭރި އުޅެނިކޮށް ހިނގި އެކްސިޑެންޓްގަ އެވެ.

ފުލުހުން ބުނީ ހުޅުމާލެ ސެންޓްރަލް ޕާކް ކައިރިން ބާރު ސްޕީޑުގައި ދުއްވާފައި ދިޔަ ކާރެއްފައި ސައިކަލެއް ޖެހި އެކްސިޑެންޓެއް ހިނގާފައިވާކަމަށް ރޭ 2:48 އެހާކަންހާއިރު ފުލުހުންނަށް ރިޕޯޓް ކޮށްފައިވާ ކަމަށެވެ.

އެކްސިޑެންޓްގައި ނިޔާވި 23 އަހަރުގެ ސަމާހް

މި އެކްސިޑެންޓްގައި ހިމެނޭ ސައިކަލް ދުއްވަން އިން މީހާ ހުޅުމާލެ ހޮސްޕިޓަލުގައި ފަރުވާ ދެމުން ދަނިކޮށް ނިޔާޥެފައިވާކަމަށް ހޮސްޕިޓަލުން މައުލޫމާތު ދީފައިވާކަމަށް ފުލުހުން ބުންޏެވެ.

މި އެކްސިޑެންޓްގައި ހިމެނޭ ކާރު ދުއްވަން އިން 26 އަހަރުގެ މީހާ ވަނީ ހައްޔަރުކޮށްފައި ކަމަށް ފުލުހުން ބުނެ އެވެ.

https://www.hurihaa.mv/32319

މިދިޔަ ބުދަ ދުވަހުގެ ރޭ މާލޭގައި ވެސް ވަނީ ނުރައްކާތެރި އެކްސިޑެންޓެއް ހިނގާފަ އެވެ. އެ އެކްސިޑެންޓްގައި އަނިޔާ ލިބުނު 19 އަހަރުގެ ފިރިހެނަކަށް ދަނީ ވެންޓިލޭޓަރުގައި ފަރުވާދެމުންނެވެ.