ސިހުރު ހެދުމުގެ ތުހުމަތުގައި ށ. ކަނޑިތީމުގެ ގެތަކެއް ބަލައި ފާސްކޮށްފި އެވެ.

ސިހުރު ހަދާކަމަށް ލިބުނު ރިޕޯޓަކާއި ގުޅިގެން ފުލުހުން އެރަށުގެ ގެތަކެއް ބަލައި ފާސްކޮށްފައިވަނީ ރޭގެ ވަގުތެއްގަ އެވެ.

ފުލުހުން ބުނީ އެ މައްސަލަތަކާ ގުޅިގެން ކުރިއަށް ގެންދިޔަ އޮޕަރޭޝަނުގައި ގެތަކެއް ބަލައި ފާސްކުރީ ކޯޓު އަމުރުގެ ދަށުން ކަމަށެވެ.

އެ މައްސަލަތަކާ ގުޅިގެން މިހާތަނަށް މީހަކު ހައްޔަރުކޮށްފައިނުވާ ކަމަށް ވެސް ފުލުހުން ބުންޏެވެ.

ސިހުރު ހެދުމުގެ މައްސަލަތަކަކީ ރާއްޖޭގެ ބައެއް ރަށްރަށުގައި ވަރަށް ބޮޑުވެފައިވާ މައްސަލައެކެވެ.