ރައީސް ސޯލިހު ހިލޭ އަންހެނަކާއެކު ޒިނޭ ކުރައްވާ ހަތަރު ގަނޑު ފޮޓޯ އޮތްވާހަކަ މުޅިން ބަދަލު ކުރައްވާ ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ވާހަކަފުޅު ދައްކަވައިފި އެވެ.

ކުރިން ކުރެއްވި ޓުވީޓުގައި އެމަނިކުފާނުގެ އަތްޕުޅުގައި 4 ފޮޓޯ އޮތް ކަމަށް ވިދާޅުވި ނަމަވެސް މިއަދުގެ ނޫސްވެރިންގެ ބައްދަލުވުމުގައި ރައީސް ނަޝީދު ވިދާޅުވީ އެމަނިކުފާނު އަތްޕުޅުގައި ރައީސް ސޯލިހުގެ ފޮޓޯ އަލްބަމެއް އޮތް ވާހަކަ އެވެ.

ރައީސްގެ ފޮޓޯތައް މިހާރު ކޮބައިތޯ ނޫސްވެރިއަކު ކުރި ސުވާލުގެ ޖަވާބުގައި ނަޝީދު ވިދާޅުވީ އެމްޑީޕީގެ ގައުމީ މަޖިލީހުގެ ގުނަނެއްގެ މަޝްވަރާގެ ތެރޭގައި އެމަނިކުފާނު ދެއްކެވި ވާހަކަތައް ގުޅިފައިވަނީ ވަރަށް ހައްސާސް ކަންތައްތަކަކާ ކަމަށެވެ. އޭރު ބަޔަކު މީހުން ގެންދިޔައީ އިންތިޒާމުކޮށް ރާވައިގެން އޮރިޔާން ފޮޓޯ އުފައްދައި އެތަކެތި ބޭނުންކުރަމުން ކަމަށާއި އެތައް ބައެއް ރަހީނުކޮށް، އެމީހުން އަތުން ފައިސާ ނެގި ކަމަށް ނަޝީދު ވިދާޅުވި އެވެ. އެ ބާވަތުގެ ކަންކަމުގައި ފެންނަ ކޮންމެ ފޮޓޯއަކީވެސް ނަޝީދު ވިދާޅުވި ގޮތުގައި ގާނޫނު ބަޔާންކުރާ ގޮތަށް ގާނޫނީ ތަރަހައިގެ ތެރެއިން އެއާމެދު އަމަލުކުރަންޖެހޭ ކަންކަމެވެ.

ނަޝީދު ވިދާޅުވީ ރައީސްގެ ފޮޓޯތަކުގެ ވާހަކަ ދެއްކެވީ އެމްޑީޕީގެ ވަޓްސްއެޕް ގްރޫޕެއްގެ ތެރޭގައި ކަމަށްވީ އިރު، އެއީ ވަކި މަފްހޫމެއް އޮވެގެން ދެއްކެވި ވާހަކައެއް ކަމަށެވެ. އެ ފޮޓޯތަކުގެ ވާހަކަ ދެއްކެވީ ކޮންމެ މީހެއްގެ ކޮންމެ ފޮޓޯއަކާ ދޭތެރޭގައި ވެސް ތަހުގީގުކުރަން ޖެހޭނީ އެއް ހަމައަކުން ކަން ފާހަގަކޮށްދޭން ވެގެން ކަމަށް ވެސް އެމަނިކުފާނު ވިދާޅުވި އެވެ.

"އަޅުގަނޑުގެ ނުކުތާއަކީ ލޮލަށް ފެންނަ ކޮންމެ ފޮޓޯއަކަށް ވެސް އެބާވަތުގެ ކަންކަމުގައި ގާނޫނު ބަޔާންކުރާ ގޮތަށް، އެއާ މެދު އަމަލުކުރަން ޖެހޭނެކަން. އެއީ ރައީސުލްޖުމްހޫރިއްޔާގެ ފޮޓޯފުޅެއް ކަމަށް ބުނެ ބައެއް މީހުން ދައުރުކުރި އެއްޗަކަށް ވިޔަސް، އަޅުގަނޑާ ގުޅޭ ގޮތުން ބައެއް މީހުން ދައުރުކުރި އެއްޗަކަށް ވިޔަސް، އެހުރިހާ ކަމެއް ވެސް ހިނގަމުން ދާން ޖެހޭނީ ގާނޫނީ ތަރަހައިގެ ތެރެއިން،" ނަޝީދު ވިދާޅުވި އެވެ.

މިއަދުގެ ނޫސްވެރިންގެ ބައްދަލުވުމުގައި އެކަމާގުޅޭގޮތުން ނޫސްވެރިން ކުރެއްވި ގިނަ ސުވާލުތަކަށް ރައީސް ނަޝީދު ޖަވާބު ނުދެއްވައެވެ. އަދި ނޯޓުގައި އޮތް އެއްޗެއް ވިސްނަވައިފި ނަމަ، އޭގެ ޖަވާބު ނޫސްވެރިންނަށް ލިބިވަޑައިގަންނަވާނެ ކަމަށް ވިދާޅުވި އެވެ.

ނަޝީދު އެންމެ ފަހުން ވިދާޅުވެފައި ވަނީ ރައީސް ސޯލިހްގެ މައްޗަށް ކުރެއްވީ ތުހުމަތެއް ނޫން ކަމަށެވެ.

"މި މައުޟޫއުގައި އަޅުގަނޑު ދެން އިތުރަށް ދައްކާނެ ވާހަކައެއް ނެތް،" ނަޝީދު ވިދާޅުވިއެވެ.